ما هو برومبت عدم تغيير ملامح الوجه؟

استخدم برومبت الحفاظ على ملامح الوجه مع الصورة الأصلية واطلب تعديل الجزء اللي محتاجه فقط زي الخلفية أو الملابس. هتلاقي تحت إضافة بالعربي والإنجليزي بتحطها بعد برومبت الصورة الأساسي عشان تحدد الملامح اللي لازم تفضل ثابتة. ولو النتيجة غيرت شكلك استخدم الأصل كمرجع لتصحيح الوجه داخلها. البرومبت بيوضح المطلوب لكنه مش ضمان لتطابق الملامح في كل محاولة.

ما هو برومبت الحفاظ على ملامح الوجه عند تعديل الصور؟

برومبت عدم تغيير ملامح الوجه هو مجموعة تعليمات بتضيفها لطلب الصورة عشان توضح إن المطلوب نفس الشخص الموجود في صورتك الأصلية. هو جزء مكمل للبرومبت الأساسي اللي بتوصف فيه المشهد والملابس والإضاءة. عشان تفهم الأداة قصدك متكتفيش بجملة «خلي الصورة شبهي» وحدد لها الآتي.

• مين الشخص المقصود ارفق صورتك الأصلية بوجه واضح واعتبرها مرجع الهوية. لو فيه صورة للمشهد أو الوضعية وضح إنها مرجع للتكوين فقط حتى لو فيها شخص تاني.
• إيه اللي يفضل ثابت شكل الرأس ونسب الوجه والعينين والأنف والفم وخط الفك والشعر والعلامات المميزة. وضح إن تحسين الصورة مش إذن بتجميل وجهك أو تغيير عمرك الظاهر.
• إيه اللي يتغير حدد المشهد أو الملابس أو الخلفية المطلوبة. لو عايز وضعية أو زاوية جديدة اذكرها بوضوح مع الحفاظ على هوية الشخص ونسب ملامحه.

مثلا إنت كاتب برومبت لصورة ليك قاعد على كرسي في استوديو وإضاءة جانبية. ارفق صورتك معاه ولو فيه ريفرنس للكرسي أو المكان عرف الأداة دوره. بعد وصف المشهد الصق إضافة الحفاظ على الملامح اللي تحت في نفس الرسالة. كده بتحدد للأداة شكل الصورة المطلوبة ومصدر ملامح الشخص كل واحد بشكل واضح.

تغيير الإضاءة بيغير الظلال على الوجه وتغيير الزاوية بيغير المنظور. المطلوب يفضل الشخص هو نفسه رغم التغيير الطبيعي ده. البرومبت بيوجه الأداة لكنه مش بيمنعها تقنيا من إعادة رسم تفاصيل الوجه فمقارنة الناتج بالأصل تفضل ضرورية.

برومبت الحفاظ على ملامح الوجه بالعربي والإنجليزي

النص التالي مش برومبت كامل لإنشاء الصورة. انسخ النسخة العربية أو الإنجليزية وأضفها بعد البرومبت الأساسي اللي كتبته للمشهد أو التعديل. ابعت النصين معا مع صورتك الأصلية وأي مرجع إضافي تحتاجه..

إضافة الحفاظ على ملامح الوجه بالعربي

أثناء تنفيذ وصف الصورة السابق استخدم صورة الشخص الأصلية المرفقة مرجعا أساسيا لهويته. اجعل الناتج يظهر نفس الشخص بملامحه الحقيقية وليس شخصا آخر يشبهه.

حافظ على شكل الرأس ونسبه بالنسبة للجسم وعلى بنية الوجه والجبهة والخدين وخط الفك والذقن والأذنين. احتفظ بشكل العينين وحجمهما والمسافة بينهما والجفون ولون القزحية الظاهر وشكل الحاجبين. حافظ على طول الأنف وعرضه وشكل فتحتيه وعلى شكل الفم وحجم الشفاه ونسبها.

حافظ على خط الشعر وتسريحته ولونه وكثافته وشعر الوجه والعمر الظاهر ولون البشرة الطبيعي وملمسها والشامات والنمش والندبات الظاهرة. لا تخترع تفاصيل غير واضحة في المرجع. لا تضف تجميلا أو تنحيفا أو تنعيما مبالغا فيه ولا تغير حجم العينين أو الأنف أو الرأس.

احتفظ بتعبير الوجه واتجاه الرأس كما في المرجع إلا إذا طلب البرومبت الأساسي تغييرا فيهما بوضوح. عند تغيير الوضعية أو زاوية التصوير حافظ على هوية الشخص ونسبه التشريحية مع المنظور الجديد. لا تنقل ملامح شخص آخر من صور مراجع المشهد أو الملابس أو الوضعية.

نفذ التغييرات المذكورة في البرومبت الأساسي فقط. طابق الإضاءة والظلال مع المشهد دون إعادة تصميم الوجه أو تغيير لون البشرة الأصلي. أعط الأولوية للحفاظ على هوية الشخص عند تعارضها مع أي وصف جمالي.

إضافة الحفاظ على ملامح الوجه بالإنجليزي

When creating or editing the image described above use the attached original photo of the person as the primary identity reference. Depict the same person with their authentic features rather than another person who looks similar.

Preserve the head shape and its proportions relative to the body as well as the facial structure and forehead and cheeks and jawline and chin and ears. Keep the eye shape and size and spacing and eyelids and visible iris color and eyebrow shape. Preserve the nose length and width and nostril shape as well as the mouth shape and lip size and proportions.

Maintain the hairline and hairstyle and hair color and density and facial hair. Retain the apparent age and natural skin tone and texture and visible moles and freckles and scars. Do not invent details that are unclear in the reference. Do not beautify or slim the face or excessively smooth the skin. Do not resize the eyes or nose or head.

Keep the facial expression and head direction from the reference unless the main prompt explicitly requests a change. If the pose or camera angle changes preserve the person's identity and anatomical proportions under the new perspective. Do not transfer another person's facial features from scene or clothing or pose references.

Apply only the changes requested in the main prompt. Match the lighting and shadows to the scene without redesigning the face or changing the underlying skin tone. Prioritize the person's identity over any conflicting aesthetic description.

إزاي أخلي جيميناي ميغيرش الملامح؟

ابدأ بصورة وجه واضحة داخل جيميناي. لو الأصل مضغوط أو العين مستخبية وراء ظل قوي هيبقى أصعب عليك كمان تعرف هل النتيجة حافظت على التفاصيل ولا أضافت تفاصيل جديدة.

1. ارفع الصورة الأصلية في المحادثة وحدد إنشاء الصور أو Create images لو احتجت تفعيل مسار الصور في واجهتك.
2. اكتب برومبت الصورة الأساسي وأضف تحته تعليمات الحفاظ على الملامح في نفس الرسالة. مثال عملي هو استبدال خلفية الغرفة بخلفية استوديو رمادية مع إبقاء الشخص والملابس كما هما.
3. لو أضفت صورة تانية اكتب إن الأولى مرجع الشخص والتانية مرجع الخلفية فقط.
4. راجع الناتج قبل طلب أي تعديل إضافي. قارن شكل العين والأنف والفك بالأصل ثم نزل الصورة بالحجم الكامل لو النتيجة مناسبة.

احتفظ بالنسخة اللي عجبتك قبل أي تعديل جديد. ولو الطلب بسيط والملامح لسه بتختلف جرب صورة أوضح بدل زيادة طول البرومبت كل مرة. اسم Nano Banana يشمل إصدارات مختلفة فخلي بالك من النموذج المتاح عند المقارنة.

حل مشكلة تغير ملامح الوجه في شات جي بي تي

ابدأ داخل شات جي بي تي بطلب تعديل الصورة المرفقة نفسها. لو الوجه اتغير راجع صياغة الطلب ومساحة التعديل قبل ما تطلب تحسين النتيجة مرة تانية.

• حدد مكان التغيير لو المطلوب ملابس جديدة حدد الملابس بأداة التحديد عند توفرها وسيب الوجه خارج المساحة.
• راجع التعارض في البرومبت احذف طلبات زي تنحيف الوجه أو تغيير الابتسامة لو هدفك الحفاظ على شكلك الأصلي.
• وصف الخطأ يكون محدد قول إن الفك بقى أنحف أو الابتسامة اتسعت بدل عبارة عامة زي «مش شبهي».

التحديد مش قفل على باقي الصورة. التعديل ممكن يمتد خارجه فراجع الوجه قبل اعتماد الناتج. ولو هتصلح المحاولة استخدم برومبت استعادة الملامح من الصورة الأصلية الموضح تحت بدل تكرار «حسنها أكتر» على نتيجة مختلفة.

إزاي تطلب من ChatGPT يكتب لك برومبت مخصص؟

أنا جربت الاستعانة بشات جي بي تي لصياغة برومبت يحافظ على الملامح ووصلت منه لبرومبت نفع معايا. تقدر تستخدم التعليمات التالية في شات جي بي تي أو جيميناي عشان يصيغ طلبك بالتفاصيل بدل ما تعتمد على وصف عام زي «صورة احترافية بنفس الوش».

دي تعليمات لمساعد يكتب البرومبت. انسخها كاملة في المحادثة أو احفظها بالطريقة الموضحة في القسم التالي. بعدها ارفق صورتك واشرح المشهد اللي عايزه بكلامك العادي. دورها تحويل طلبك لبرومبت كامل بلغة واضحة من غير افتراض إعدادات خاصة بنموذج معين.

عندما أطلب كتابة برومبت لتعديل صورة شخص أو وضعه في مشهد جديد تصرف كمتخصص في صياغة برومبتات الصور والتكوين والمنظور والإضاءة والحفاظ على هوية الأشخاص. مهمتك كتابة تعليمات تنفيذ واضحة بناء على الصور التي أرفقها والمشهد الذي أصفه.

1. افهم الطلب وحدد الصورة الأساسية للشخص ودور كل مرجع إضافي. افصل مرجع الهوية عن مرجع الملابس والمكان والوضعية والإضاءة. إذا لم أحدد التعديل أو كان دور إحدى الصور غامضا اسأل سؤالا محددا قبل الكتابة. لا تطلب مني إعادة وصف تفاصيل ظاهرة بوضوح في الصورة.

2. افحص الملامح الظاهرة في المرجع قبل الصياغة. راع شكل الرأس وحجمه بالنسبة للكتفين والجسم والجبهة والخدين والفك والذقن والأذنين. انتبه لشكل العينين وحجمهما والمسافة بينهما والجفون ولون القزحية الظاهر وشكل الحاجبين. حافظ على طول الأنف وعرضه وفتحتيه وشكل الفم وحجم الشفاه ونسبها. لا تخمن تفاصيل مخفية ولا تستنتج قياسات دقيقة من صورة لا توضحها.

3. أدرج تعليمات صريحة بالحفاظ على خط الشعر وتسريحته ولونه وكثافته واللحية والشارب إن وجدا. احتفظ بالعمر الظاهر ولون البشرة الطبيعي وملمسها والعلامات المميزة وعدم التماثل الطبيعي. امنع التجميل التلقائي وتنحيف الوجه وتكبير العينين وتصغير الأنف وتغيير حجم الرأس والتنعيم المفرط. اربط هذه الشروط بالشخص المرجعي بدلا من اختراع وصف لوجه بديل.

4. افصل التغييرات المطلوبة عن العناصر الثابتة. احتفظ بالتعبير واتجاه الرأس والوضعية ما لم أطلب تغييرها. إذا طلبت زاوية أو وضعية جديدة فحافظ على الهوية والنسب التشريحية مع المنظور المطلوب ولا تجمع شروطا متناقضة في النص. لا تنقل ملامح أي شخص ظاهر في مرجع آخر.

5. صف المشهد والملابس والكادر والإضاءة المطلوبة بكلمات عملية. عند الدمج راع اتجاه الضوء والظلال والمنظور وحجم الشخص داخل المكان. لا تضف عدسات أو زينة أو خلفيات أو مؤثرات لم أطلبها. لا تجعل مطابقة الإضاءة سببا لتغيير بنية الوجه أو لون البشرة الأصلي.

6. اكتب برومبت كاملا يبدأ بوصف التنفيذ ثم يحدد دور المراجع والتغييرات المسموح بها ثم شروط الحفاظ على الملامح. قدم نسخة عربية ونسخة إنجليزية مطابقة في المعنى. استخدم لغة مباشرة قابلة للفهم في أدوات تعديل الصور التي تقبل المراجع وتجنب المصطلحات الغامضة والأوزان والأوامر الخاصة بنموذج إلا إذا حددته وكان يدعمها.

7. راجع البرومبت قبل عرضه واحذف التكرار والتعارض والتغييرات غير المطلوبة. قدم نصا جاهزا للنسخ دون أقواس أو خانات ناقصة أو شرح مطول. إذا كان الطلب يتعارض مع الحفاظ على الهوية وضح التعارض واسأل قبل افتراض الحل. لا تعد بتطابق مضمون للملامح.

8. في طلبات كتابة البرومبت قدم النص فقط ولا تنشئ الصورة. إذا طلبت التنفيذ صراحة بعد ذلك فاستخدم الصورة الأصلية مع البرومبت المعتمد وراع حدود أدوات الصور المتاحة.

بعد إرسال التعليمات جرب الخطوات دي.

1. ارفق صورتك ومرجع المشهد إن وجد ووضح دور كل صورة.
2. اكتب مثلا «اكتب لي برومبت أظهر فيه قاعد على كرسي خشب داخل استوديو بإضاءة جانبية مع الحفاظ على ملامحي. الصورة الثانية مرجع للمكان فقط».
3. راجع البرومبت الناتج وانسخ العربية أو الإنجليزية مع الصور إلى أداة التعديل. النص الناتج كامل بالفعل فلا تحتاج تلحق به إضافة الحفاظ على الملامح مرة تانية.

كيفية حفظ تعليمات الحفاظ على الملامح في ChatGPT وجيميناي

احفظ تعليمات المتخصص السابقة لو بتكرر طلب كتابة برومبتات الصور. النص بيحدد الدور وطريقة فحص الملامح وصياغة الطلب. مش محتاج نسخة عامة تانية تقول «حافظ على الوجه» من غير التفاصيل.

حفظ التعليمات في شات جي بي تي

على الويب افتح Settings ثم Personalization ثم Custom Instructions. فعل التخصيص لو كان مقفولا والصق التعليمات واحفظها. في تطبيق الموبايل ممكن تلاقي المسار باسم Customize ChatGPT داخل الإعدادات.

لو الحقل رفض النص بسبب حد الأحرف ابعته كاملا كأول رسالة في محادثة مخصصة للبرومبتات ثم كمل فيها طلباتك. كده بتستخدم التعليمات كاملة داخل المحادثة من غير اعتبارها محفوظة تلقائيا في باقي المحادثات.

حفظ التعليمات في جيميناي

افتح Settings & help ثم Personal Intelligence ثم Instructions for Gemini. اضغط Add والصق التعليمات ثم Submit. لو الخيار مش ظاهر أو النص لم يتقبل ابعته كاملا في بداية المحادثة اللي هتكتب فيها البرومبتات.

بعد الحفظ ارفق صورتك واكتب «اكتب لي برومبت» مع وصف المشهد. الحفظ يخص التعليمات المكتوبة ولا يحول صورتك لمرجع بصري ثابت في كل محادثة ولا ينقلها تلقائيا إلى Flow. ارفق المرجع مع كل طلب جديد يحتاجه وراجع النتيجة حتى لو التعليمات محفوظة.

استخدام البرومبت في Google Flow مع Nano Banana 2.1

في Google Flow افتح مشروعك واستخدم مربع الطلب العادي لو عايز تختار النموذج بنفسك. وضع Agent ممكن يختار النموذج بناء على الطلب فخلي بالك من الفرق وقت المقارنة.

1. اضغط اسم النموذج داخل مربع الطلب واختار Image.
2. اختار Nano Banana 2.1 لو متاح في حسابك وحدد مقاس الصورة المناسب.
3. أضف صورتك كمرجع داخل مربع الطلب. لو الصورة محفوظة في المشروع استخدم Add to Prompt من قائمتها.
4. اكتب التعديل المحدد مع تعليمات الحفاظ على الوجه ثم اضغط Generate.

لو بتعدل صورة محفوظة في المشروع تقدر ترجع لنسخها السابقة من History. ده مفيد لو محاولة جديدة بوظت تفصيلة كانت مظبوطة. واختيار نموذج مختلف عن 2.1 يفضل تجربة منفصلة حتى لو استخدمت نفس البرومبت.

هل يؤثر تغيير الملابس أو الخلفية على الوجه؟

أيوه ممكن. طلب تغيير الخلفية أو الملابس ما يمنعش ظهور اختلاف في الوجه. عشان تعرف المشكلة حصلت فين جرب كل تعديل لوحده على نفس الأصل وبنفس الكادر.

1. اعمل نسخة بتغيير الخلفية فقط مع الحفاظ على الملابس والإضاءة.
2. ارجع للأصل واعمل نسخة تانية بتغيير الملابس فقط. مثلا تيشيرت أسود يتحول لجاكيت كحلي.
3. اعرض الصورتين جنب الأصل والوجه بنفس حجم العرض. شوف أي تعديل صاحبه اختلاف واضح في الملامح.

اختلاف الظلال ممكن يغير إحساسك بشكل الأنف لكن تغير نسب العينين أو الفك يستحق التوقف. الجدول ده بيوضح إيه اللي تراجعه حسب نوع الطلب.

لو المطلوب خلفية جديدة مع بقاء الوجه كما هو حرفيا فالأدق تعزل الشخص وتغير الخلفية في طبقة منفصلة من غير إعادة توليد الوجه. اختار خلفية تناسب زاوية تصويره وإضاءته حتى ما تحتاجش تعديلات كبيرة عليه عشان الدمج يركب.

تحسين جودة الصورة من غير اختراع ملامح جديدة

لو هدفك Upscale فقط ابدأ بأداة مخصصة لزيادة الدقة بدل وصف مشهد جديد. زيادة عدد البكسلات وتحسين الحواف مختلفة عن طلب إعادة رسم بورتريه بتفاصيل كثيرة. أداة Super Resolution مثلا مخصصة لزيادة أبعاد الصورة بينما الوصف التوليدي ممكن يغير تفاصيلها.

العين اللي مش واضحة في الأصل مش هتقدر تتأكد من شكلها الحقيقي لمجرد إن النتيجة بقت حادة. راجع أي تحسين للوجه خصوصا مع الصور القديمة. الوضوح الزيادة مفيد لما يفضل الشخص شبه نفسه مش لما يضيف تفاصيل تبدو مقنعة لكنها مش موجودة في المرجع.

كيف يمكنني اصلاح ملامح الوجه باستخدام الذكاء الاصطناعي؟

لو المشهد الناتج عاجبك لكن الوش اتغير استخدم صورتك الأصلية لاستعادة الملامح داخل الصورة الناتجة نفسها. المطلوب هنا تصحيح هوية الوجه مع الإبقاء على الخلفية والملابس والوضعية والإضاءة اللي اخترتها.

1. ارفع صورتك الأصلية أولا باعتبارها مرجع الهوية.
2. ارفع الصورة الناتجة بالذكاء الاصطناعي ثانيا باعتبارها الصورة المطلوب تعديلها.
3. الصق البرومبت الإنجليزي التالي كما هو. لو ترتيب الصور مش واضح في الأداة عرفها صراحة أي صورة هي الأولى وأيها الثانية.
4. قارن الوجه بالأصل وراجع باقي الصورة للتأكد إن التصحيح ما غيرش تفاصيل المشهد.

Use the first attached image as the authentic identity reference. Use the second attached image as the target image to edit. Both images are intended to depict the same person. Correct the person's facial identity in the second image using the first image while preserving the existing composition of the second image.

Restore the reference person's facial structure and face shape and forehead and cheeks and jawline and chin. Match the eye shape and size and spacing and eyelids and visible iris color and eyebrows. Restore the nose proportions and nostril shape and mouth shape and lip proportions. Preserve the reference person's apparent age and natural skin characteristics and distinctive visible marks. Correct the hairline or facial hair only where needed to restore identity.

Adapt the reference features to the head angle and expression already present in the second image. Do not copy the first image's pose or lighting onto the target. Keep the head position and body pose and gaze direction of the second image. Correct distorted facial proportions without arbitrarily enlarging or shrinking the head.

Keep the second image's background and clothing and accessories and objects and framing and aspect ratio unchanged. Preserve its lighting direction and shadows and color grading and depth of field. Limit modifications to the facial region and the minimum adjacent area needed for a natural blend. Match the corrected face to the target lighting without changing the person's underlying skin tone.

Do not beautify or slim the face or alter the person's age or excessively smooth the skin. Do not invent hidden facial details. Do not regenerate the whole scene or replace the target image with the original photo. If the reference angle or visibility is insufficient for a reliable correction ask for a clearer reference instead of inventing a different face. Return only the corrected second image.

البرومبت بيطلب الحفاظ على تفاصيل الصورة الثانية لكنه مش ضمان إن الأداة هتسيب كل بكسل خارج الوجه زي ما هو. لو التعديل امتد للخلفية أو الملابس جرب تحديد منطقة الوجه عند توفره. ولو لازم باقي الصورة يفضل مطابق تماما استخدم قناعا أو طبقة منفصلة لتركيب التصحيح فوق الصورة الناتجة.

لو الأصل مش متاح استخدم صورة حقيقية واضحة لنفس الشخص وبزاوية قريبة. من غير مرجع موثوق ممكن تحصل على وجه طبيعي لكن مش هتقدر تتأكد إنه رجع لملامحك الأصلية.

أسئلة شائعة عن برومبت الحفاظ على ملامح الوجه وعدم تغييرها

هل يمكن الحفاظ على نفس الوجه في صور مختلفة؟

ممكن تحصل على تشابه قوي لكن النتيجة مش مضمونة في كل صورة. لو بتجهز مجموعة صور اعرضها كلها جنب الأصل قبل اعتمادها. أحيانا كل صورة تبدو مقبولة لوحدها لكن اختلاف العمر الظاهر أو شكل الرأس يبان لما تشوف المجموعة مع بعض.

هل تغيير وضعية الرأس يغير ملامح الوجه؟

تغيير الزاوية بيظهر أجزاء مختلفة من الوجه وقد يصاحبه اختلاف في الملامح المولدة. لو محتاج وضعية جديدة جرب المسار ده.

1. حدد الوضعية المطلوبة بوضوح وتأكد إن برومبتك مش بيطلب تثبيت اتجاه الرأس في نفس الوقت.
2. ابدأ بتغيير بسيط في الزاوية قبل الانتقال لصورة جانبية كاملة.
3. أضف صورة حقيقية لنفس الشخص بالزاوية المطلوبة لو متاحة والأداة بتقبل عدة مراجع.

الإبقاء على شرط «نفس اتجاه الرأس» مع طلب زاوية مختلفة بيخلي التعليمات متعارضة. غير الشرط المرتبط بالزاوية فقط وسيب شروط الهوية واضحة.

هل أستخدم صورة واحدة ولا عدة صور كمرجع للوجه؟

ابدأ بالصورة اللي هتعدلها. إضافة صور تانية تكون لفائدة واضحة وليست لمجرد زيادة المرفقات.

• صورة واحدة تكفي كبداية لتغيير بسيط في الخلفية أو الملابس.
• مرجع إضافي ممكن يوضح جانب من الوجه مش ظاهر في الصورة الأساسية.
• استبعد الصور بفلاتر قوية أو بعمر مختلف حتى ما تقدمش ملامح متعارضة.